Qırım iş adamı Oleg Zubkov, şimdi onıñ yarımadada yañı leyhalarnı yaratmaq ğayeleri Qırım memurlarınıñ yanaşması deñişti. Bunı o, yañı "Suvorovskiy" parkınıñ yaratması planlarını tefsir eterek öz video blogında ayttı.
Onıñ aytqanına köre, şimdi Qarasuvbazar rayonında "Aq qaya" eglence parkı qurulıp bite.
"Topraq meseleleri çezilgen soñ, bu parknıñ turğunlığı bar olğanını duyacağım... Leyhalarımnen bağlı memurlarnıñ da fikirleri deñişti. Memurlar kene yañı leyhalarnıyaratmağa ve qurmağa razılıq bere", - qayd etti o.
Fevralniñ 3-nde Rusiye kontrolindeki Qarasuvbazar rayon mahkemesi «Taygan» parkında tişlengen turist Olga Solominanıñ davası boyunca qırımlı iş adamı Oleg Zubkovnı apiske aldı.
Advokat Arman Petrosân Zubkovnıñ ketmeme seneti yerine eki ay apis müddetiniñ belgilenmesini «qanunsız» dep adlandırdı. İmaye mahkemeniñ tevqif qararını şikâyet etecek ola.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.
2014 senesi Rusiyeniñ yarımada ilhaqına qoltutqan qırımlı iş adamı Oleg Zubkovnıñ Qırımnıñ Rusiye akimiyetinen zıddiyeti bar. Oleg Zubkov, mal-mülki bulunğan topraq damartılarınıñ vesiqalarını beş yıldan berli resmiyleştirip olamay, dep bildire.
Qırım işğali devamında Zubkov Kreml kontrolindeki Qırım akimiyeti tarafından oña nisbeten para cezaları ve qabaatlavlarnen bağlı tahminen 500 mahkeme oturışuvına bardı.
