Ukrayina Silâlı Quvetleriniñ pilotsız sistemalar quvetlerinde Oraqnıñ 21-22 künleri Qırımnıñ 11 energetik noqtasına ücüm etilgenini bildirdiler. Bu aqta SBS komandanı Robert Brovdi haber etti .
"SBS-nıñ "Krımskiy rubilnik off" operasiyası Oraqnıñ 21-22 künleri devamında Qırımda (11) ve TOT-nıñ diger qısımlarında (2) 13 energiya noqtası ve elektrik stansiyasını semereli şekilde qapladı. Oraqnıñ 01-22-i añlaşmasınıñ umumiy esabı 117 energetik nişannı teşkil etti", — dep yazdı Brovdi.
Rusiye arbiyleri bu haberge daa cevap bermedi.
Daa evel haber etilgenine köre, Qırımda gece patlavlar eşitildi, Ukrayin dronlarınıñ uçması qayd etildi, Rusiye mobil ateş gruppaları çalıştı, Yalta ve Aluştada elektrik stansiyalarında yanğınlar yüz berdi.
İlk yazda Qırımdaki arbiy ve energetika obyektleri, Rusiye logistik yolları Ukrayina Silâlı quvetleriniñ eñ büyük ücümlerine oğray. Er kün yañı nişanlarğa darbeler aqqında haber etile, Qırımda yaqarlıq qıtlığı sebebinden adiy insanlarğa benzin satılmay, elektrik energiyası cedvelge köre berile, Keriç köpründe ise nevbetler bar. Bala şifahane müessiseleri ve lagerleri sentâbr ayına qadar raatlanğanlarnı qabul etmey.
Ukrayina Mudafaa naziri Mıhaylo Fedorov darbelerniñ maqsadını añlattı – "Qırım dronlarnen izolâtsiya etile". Onıñ aytqanına köre, bu "rusiyeliler içün pek beklenilmegen aqibetlerge yol aça bile".
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.