В ночь на 3 августа российская армия выпустила по Украине четыре ракеты и 29 беспилотников типа Shahed, сообщают Воздушные силы ВСУ.
Avgustnıñ 3-ne keçken gecesi Rusiye ordusı Ukrayinağa dört raketa ve 29 Şahed tipindeki uçucısız uçaq attı, dep bildire Ukrayina Silâlı quvetleriniñ Ava quvetleri.
Doquz vilâyet üzerinde, şu cümleden Kiyev vilâyetinde, 24 ⁇ drone tüşürildi. Ücüm etilgen regionlarnıñ akimiyetiniñ malümatına köre, elâk olğanlar ve zarar körgenler yoq.
Gece darbe neticesinde Vinnitsa vilâyetinde infrastruktura obyekti, Dnipropetrovsk vilâyetinde şahsiy ev ve suv borusı zarar kördi. Mıkolayiv vilâyetinde şahsiy evniñ territoriyasında eki hocalıq binası yandı ve ateşni tez söndürdiler.
Birleşken Milletler Teşkilâtınıñ malümatına köre, Ukrayinadaki cenkniñ eki yılı içinde on biñden ziyade insan öldürildi, aman-aman yigirmi biñ yaralandı. BM Rusiye arbiyleri tarafından vatandaşlarnıñ öldürüvi, esir aluvı, işkence, zorbalıq ve tevqif etilüvini de qayd etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
