Ukrayin arbiyleri yanvarniñ 7-nde Kursk vilâyetiniñ Belaya meskün yeri civarında Rusiye Federatsiyasınıñ Qara deñiz flotunıñ 810-ncı ayrı deñiz piyade brigadasınıñ komandanlıq noqtasına "yüksek dereceli darbe" endirdi, dep bildirdi Ukrayina Sılâlı quvetleriniñ Baş ştabı.
"Bu darbe ve Kursk vilâyetinde Rusiye birleşmelerine qarşı yapılğan bir sıra soñki ameliyatlar, şimdi Rusiye Silâlı quvetlerine qarşı yañı ücüm areketlerini başlağan Ukrayina qara quvetleri ile añlaşıldı", — dep aytıla Baş ştabnıñ haberinde.
Bugün Ukrayina Milliy gvardiyasınıñ vekili Ruslan Muzıçuk, Rusiye öz bölüklerini Kursk vilâyetine başqa yönelişlerden köçürmege mecbur olğanını bildirdi.
Amerikanıñ cenkni ögrenüv institutı öz esabatında, ukrayin quvetleri Rusiyeniñ Kursk vilâyetinde ücüm etken vaqıtta taktik muvafaqiyetlerge irişti, dep bildirdi.
Ukrayina Silâlı quvetleri avgustnıñ 6-nda Kursk vilâyetinde 1 biñ kvadrat kilometrden ziyade yerni zapt etip, operatsiyanı başladı. Soñra Rusiye ordusı KNDR ordusınıñ yardımı ile topraqnıñ bir qısmını qaytarıp aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
