Fevralniñ 11-ne keçer gecesi Rusiye arbiyleri Zmiyınıy adasına dört ava bombasını attı, dep bildirdi Odesa vilâyeti arbiy memuriyetiniñ yolbaşçısı Maksim Marçenko Telegram kanalında.
Onıñ aytqanına köre, gece Rusiye Federatsiyasınıñ ordusı uçaq ve «Bastion» yalı kompleksinden Odesa vilâyetine ücüm etti. Raketalar yalı alanına tüşti. Akimiyetniñ malümatına köre, zarar körgenler yoq. Marçenko izaat bermemege ve darbe aqibetlerini derc etmemege çağırdı.
«Ümüt etem ki, er kes bunı añlay, şunıñ içün er kesten içtimaiy ağlarda olğanlarnı izaat etmemelerini rica etem», – dep qayd etti o.
Fevralniñ 10-nda saba Rusiye Ukrayınağa daa bir kütleviy darbe kerçekleştirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
