Link açıqlığı

Zembil askerniñ malümatı: bizni esir alğan adamlarnıñ reberi Rusiye polkovnigi Strelkov edi


Ukraina Silâlı Quvetleri yüksek derece zembil askerleri ordularınıñ 25-inci ava-zembil brigadasınıñ arbiy adamlarını Slavânskta qanunsız alda yibermegen silâlı adamlarnıñ areketlerini Rusiye Federatsiyasınıñ Silâlı Quvetleri Baş Ştabı Baş İstihbarat idaresiniñ polkovnigi İgor Strelkov nezaret etti.

Böyle malümalümatlarnı aprel 16-da Kramatorskta silâlı adamlar tarafından yaqalanğa ukrain zembil askerlerinden biri bildirdi.

Onıñ aytqanına köre, avtomatik silânı Strelkovnıñ reberligi altında tutıp aldılar. GRU zabiti ukrain askerlerine yüksek aylıq olacağını vade etip, qanunsız silâlı birleşmeler tarafına keçmege çağıra edi.

«Papadiye» lağabınen bir rus adam da arbiy hızmetten vazgeçmege talap etti. Onıñ aytqanına köre, o, Kiyevdeki Mustaqillik Meydanında narazılıq aktsiyaları vaqtında snayperler taqımında oldı.

Ukraina havfsızlıq hızmeti Rusiye vatandaşı İgor Strelkovnı qıdıra. Onı Ukraina bir olmasını bozmaq maqsadınen yapılğan areketler ve öldürüvler, em de Ukraina şarqında kütleviy qalabalıqlar teşkil etilmesinde qabaatlaylar.
XS
SM
MD
LG