Ukrayina Silâlı Quvetleri 1888 meskün yerni Rusiyeniñ işğalinden azat etti, tahminen bu qadar da alâ işğal altındadır, dep bildirdi Ukrayina prezidenti Volodımır Zelenskıy.
"Fevralniñ 24-nde Rusiye bizge qarşı total cenkke başladı. Ve bu sağ qalma cenkidir. Yüzlerce şeer ve köyümizni rusiye darbeleri yaqıp kül etti. Artıq 1888 meskün yerni Rusiyeniñ işğalinden azat etip oldıq. Amma tahminen bu qadar da ukrayin şeer ve köyü alâ işğal altındadır. Bu da al-azırda Ukrayinada cenk meydanında millionlarnen insannıñ taqdiri belgilengeni demektir. Hales etile bilecek millionlar", - dedi devlet başı.
Onıñ sözlerine köre, Ukrayina iç bir vatandaşını Rusiye işğalinde qaldırmaz.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
