Ukrayinada tünevinki Rusiye ücüminden soñ qurtaruv ameliyatı devam ete. Raketalar urulğan yerlerde bütün gece qaza-qurtulış işleri toqtatılmadı, dep bildirdi Ukrayina prezidenti Volodımır Zelenskıy.
"38 insan elâk oldı, olarnıñ arasında dört bala... 190 insan yaralandı. Er keske yardım kösterile. Kıyiv hastahanelerinde 64 insan buluna, 28 kişi Krıvıy Riğde, 6 kişi Dniproda hastahanege alındı", — dep bildirdi siyasetçi.
Zelenskıy qayd etti ki, "Ohmatdıttan" bütün hastalar diger tibbiy müessiselerge avuştırıldı.
"Biz şeer ve cemiyetlerimizniñ Rusiye terrorından qoruvını arttırmaq içün çalışmağa devam etemiz. Qararlar olacaq. Dünya bunıñ içün kerekli küçke saiptir", — dep qayd etti devlet yolbaşçısı.
Rusiye orduları mayısnıñ 8-nde saba Ukrayinağa raketa darbelerini endirdiler. Hususan, Kıyiv, Dnipro, Krıvıy Riğ ve Donbas boyunca. Ukrayina mudafaa quvetleri 38 Rusiye raketasınıñ 30-nı urıp tüşürdi, dep bildirdi Ava quvetleri.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
