Link açıqlığı

Saatnıñ esas haberi

Zelenskıy, Putinnen muzakere aqqında: "Men Qırımnı laf etmege azırlana edim, amma oñace barmadı"


Volodımır Zelenskıy
Volodımır Zelenskıy

Ukraina prezidenti Volodımır Zelenskıy, Volodımır Putinnen Qırım meselesini muzakere etmege azırlana edi, dep ayttı, amma eki taraflı körüşüvde laf oñace barmadı.

"Men azırlana edim ve bu meseleni muzakere etmege pek istey edim. Amma laf Qırım mevzusınace barmadı. Bu meselege ne reaktsiya olacağını aytmağa qıyın. Amma dört aydan bir körüşüv planlaştırıldı, bütün bu meselelerni köterecekmiz", - dedi Parijde jurnalistlerge Zelenskıy.

Ukraina prezidenti Volodımır Zelenskıy, Parijde dekabr 9-ında keçken "Normandiya formatı"ndaki körüşüvden soñ matbuat konferentsiyasında çıqışta bulunğanda, Ukraina ve onıñ halqı içün bozulmaz printsiplerni belgiledi. Hususan, o, Donbass ve Qırım Ukrainanıñ bir parçası olğanını qayd etti.

"Normandiya dortü" - Ukraina, Rusiye, Frenkistan ve Almaniya - liderleriniñ üç yıl içinde ilk körüşüvi Parijde dekabrniñ 9-ında keçe. Ukraina prezidenti Frenkistan prezidenti Emmanuel Macron, Almaniya kantsleri Angela Merkel ve Rusiye prezidenti Vladimir Putin ile eki taraflı körüşüvler keçirdi.

XS
SM
MD
LG