«Teşekkürler, Amerika, yardımıñ içün, bu ziyaret içün. Prezident, Kongress ve Amerika halqına teşekkürler», – dep yazdı o içtimaiy ağlarında.
Zelenskıy, Ukrayinağa adaletli ve uzun barışıq kerek, ve «biz bunıñ içün çalışamız», dep qoştı.
Ukrayina prezidenti ofisiniñ yolbaşçısı Andriy Yermak daa uzun izaat aydılatıp, kerçek telükesizlik kefaletleri olmasa, «cenk qaytar», dep bildirdi:
«Yañı darbe içün fırsat qalğan yerge er vaqıt qayta».
Ukrayinna ve Amerika Birleşken Devletleri fevralniñ 28-nde Volodımır Zelenskıynıñ Beyaz Saray ziyareti vaqtında faydalı qazıntılar añlaşmasını imzalaycaqlar, dep beklenile edi. Bunıñ yerine Oval odada Ukrayina prezidenti Volodımır Zelenskıy, Donald Trump ve vitse-prezident James David Vance arasında tartışma oldı.
Zelenskıy, telükesizlik kefaletleri olmasa, ateşkes teklifini qabul etmeycek, dep ayttı. Trump, Ukrayina prezidenti Volodımır Zelenskıy ABD celp etilgen barışıqqa azır degil, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
