Link açıqlığı

Saatnıñ esas haberi

Zelenskıy «Ukrayına Silâlı quvetleri Rusiye mudafaasını qıracaq yer belli», dep işandırdı


Volodımır Zelenskıy

Ukrayına prezidenti Volodımır Zelenskıy «Ukrayına Silâlı quvetleri Rusiye mudafaasını qıra bilecek yer endi belli», dep işandırdı.

«Er kes mudafaanı qırmamıznı istey. Biz bunı pek isteymiz», – dep ayttı o, CBS içün intervyüda.

Ukrayına lideriniñ aytqanına köre, «tek Ukrayına şarqında 200 biñ rusiyeli olğanı içün bu qolay bir yol değil».

«Er kes mudafaanı qırayıq istey. Biz bunı pek isteymiz. Olacaq, eminim. Qayda daa tez olur aytıp olamayım. Bunı aytıp olamayım, malümat paylaşmağa istemeyip, bağışlañız, çünki qayda qıracağımıznı bilem», – dep qoştı Ukrayına prezidenti.

Ukrayına Silâlı quvetleriniñ Qara ordu komandanı Oleksandr Sırskıy Rusiye şarqta revanşqa azırlana, dep bildirdi. Onıñ aytqanına köre, Liman yönelişine Rusiye Baş ştabı yañı qurulğan 25-inci Rusiye umumarbiy ordusınıñ bölüklerini attı.

Amerikanıñ cenkni tedqiq etüv institutınıñ (ISW) talilcileri sentâbrniñ 1-nde qayd etkenine köre, 25-inci ordunıñ bölükleri 41-inci umumarbiy ordunıñ bölük yerlerini almalı. Olarnı ise cenüpteki cebege avuştırmaq kerekler.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG