Ukrayina prezidenti Volodımır Zelenskıy «yaqın bir qaç afta diplomatiyada pek meşğul ola bilecegini» bildirdi.
«Bu vaqıt semereli ve faydalı olsun dep, elimizden kelgenini yapacaqmız. Prezident (ABD prezidenti Donald – QA) Trumpnen işbirligine büyük qıymet beremiz. Taqımlar seviyesinde körüşüv ve muzakerelerni planlaştıramız. Ukrayina ve Amerika taqımları inceliklerni azırlay. Qaviy ve uzun barışıq yaqın olmalı», – dep yazdı Zelenskıy Telegram kanalında.
Fevralniñ 7-nde Yaponiya baş nazirinen yapqan matbuat konferentsiyasında Trump kelecek afta Ukrayina prezidenti Volodımır Zelenskıynen körüşe ve Rusiye prezidenti Vladimir Putinnen laf ete bile, dep qayd etti.
«Telükesizlik isteymiz, ve, bilgeniñiz kibi, Avropa (Ukrayina yardımına – QA) bizden daa az para bere. Ne deseñiz deñiz, amma bizde 300 milliarddan çoq çıqa. Olarnıñ kerçek raqamı ise – 100 milliard», – dep ayttı ABD prezidenti.
Trump, onıñ aytqanına köre, sabıq Amerika prezidenti Joe Biden avropalılardan bunı tüzetmege ve Ukrayinağa daa çoq yardım yollamağa rica etmegeninden şikâyet etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
