Ukraina prezidenti Volodımır Zelenskıy Rusiye kütleviy haber vastalarına bir buçuq saatlıq intervyü berdi. Bu aqta Ukraina lideriniñ telegram kanalı bildirdi.
«Rusiye kerçeklerni bilmeli. «Zıgar» YouTube-kanalı, «Dojd» telekanalı, «Meduza» portalı ve «Kommersant» ve «Novaya Gazeta» neşirleriniñ Rusiye jurnalistleri bütün suallerniñ cevabını aldı. Tam ve ayrı-ayrı», – dep aytıla haberde.
«Meduza» haber etkenine köre, Roskomnadzor Zelenskıynen subetleşken kütleviy haber vastaları intervyü derc etmekten vazgeçmeli, dep bildirdi.
Bundan ğayrı, berilgen malümatqa köre, Roskomnadzor «mesüliyet seviyesini körmek ve tedbir almaq içün» kütleviy haber vastalarını teşkerip başladı.
«Meduza» qoştı ki: müessise, jurnalistler intervyünı ne sebepten derc etmemek kerek olğanınıñ sebebini aytmadı.
Qayd etmelimiz ki, «Meduza» ve «Dojd» Rusiye Federatsiyasında endi blok etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3enufiq6nhnir.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
