ABD prezidenti Donald Trump bildirgenine köre, onıñ fikirince, Ukrayina prezidenti Donald Trump ateşkes añlaşması çerçivesimnde Qırımnı Rusiyege bermege azır.
«Mence, e», – dep ayttı Trump jurnalistlerge Bedminsterde, New Jersey ştatı, ondan Zelenskıy Qırımnı «bermege» azırmı dep sorağanlarda, Ukrayina prezidenti ise bunı yapmaycağını çoq kere tekrarlağan edi.
Trump, Vatikandaki muzakereler vaqtında Ukrayina liderinen Moskva 2014 senesi işğal etilgen yarımada taqdirini «qısqadan» muzakere etti, dep qoştı.
İnauguratsiyadan evel Rusiyeniñ Ukrayinağa qarşı istilâsını 24 saatta toqtatacağını aytqan ABD prezidenti büyük cenkte uruş areketleriniñ toqtatıluvı içün ğayret köstere.
Washington barışıq planınıñ tafsilâtlarını aydınlatmadı, amma, Reuters malümatına köre, cebeni buzlatmağa ve uruş areketleriniñ toqtatıluvı yerine Qırımda Rusiye kontrolini tanımağa teklif etti.
Moskva Qırımnen beraber Ukrayinanıñ 20%-ını kontrol ete.
Zelenskıy aprelniñ 23-nde aqşam ABD prezident Donald Trumpnıñ birinci müddeti vaqtınad «Qırım beyannamesini» qabul etti, anda «Kremlniñ halqara uquqqa zıt bir şekilde küçnen zapt etilgen topraqta suverenitetniñ ğayrıdan tiklenmesi talaplarınıñ tanılmaması» aqqıda laf ketti.
Aprelniñ 23-nde ABD prezidenti Donald Trump Ukrayina prezidenti Volodımır Zelenskıynıñ Kyiv Qırımnı uquqiy ceetten Rusiye olaraq tanımaycağına dair laflarını «Rusiye ile barışıq muzakereleri içün pek zararlı» dep adlandırdı. «Zelenskıy kibi yapqan böyle provokatsion beyanatlar bu cenkniñ çezilüvini qıyınlaştıra», – dep yazdı Amerika lideri TruthSocial ağında.
«Qırım beyannamesinde» «Rusiye Ukrayinağa istilâ etip ve 2014 senesi Qırımnı ilhaq etmege tırışıp, demokratik devletler riayet etken esas halqara printsipni bozmağa tırıştı: iç bir memleket digeriniñ sıñırlarını küçnen deñiştiremez».
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
