Ukrayına Silâlı quvetleri cebede qarşı ücümni daa başlatıp olamay, dep qayd etti Ukrayına prezidenti Volodımır Zelenskıy The Yomiuri Shimbun Yaponiya neşirine bergen intervyüsında.
Ukrayına prezidenti şarqtaki vaziyetni «qıyın» dep adlandırdı ve bunıñ sebebi az olğan silâ ola, dep tekrarladı. Ukrayınağa silâ ve qırıcılar kerek, dep qayd etti Ukrayına lideri.
«Ortaqlarımızdan silâ bekleymiz», – dep ayttı Zelenskıy. Onıñ qayd etkenine köre, Rusiye ordusı er kün Ukrayına quvetlerinden üç qat çoq silâ qullana.
Onıñ qayd etkenine köre, «Ukrayına yeterli silâ olmağanı içün cesür imayecilerini yollap olamay».
Martnıñ 24-nde saba Ukrayına Silâlı quvetleriniñ Baş ştabı talilcilerniñ Rusiye ücüminiñ zayıflama ihtimali aqqında tahminlerine baqmadan, Rusiye Federatsiyasınıñ ordusı Bahmutqa yapqan ücümini toqtatmay, dep bildirdi.
NATO istihbaratınıñ malümatına köre, Rusiye Bahmut yaqınlarında Ukrayınadan beş qat çoq asker coya.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
