Vilnüste çarşenbe künü NATO sammiti yekünlendi. Ukrayına prezidenti Volodımır Zelenskıy matbuat konferentsiyasında çıqışta bulunıp, memleketiniñ Şimaliy atlatnik ittifaq yolu açıldı, amma bu Ukrayınada cenk bitken soñ kerçekleşe bile, dep ayttı. Lâkin o, «Yedi gruppasınıñ» memleketleri Ukrayına içün telükesizlik kefaletleri beyannamesini imzalağanlarını begendi.
«Büyük pozitiv aldıq. Birlik kördik, ve liderler Ukrayınağa qoltuttı. Telükesizlik vaziyeti stabil olğan soñ Ukrayına NATOda olacaq. Menim içün beyannamede telükesizlik şartlarınıñ qayd etilmesi müim edi. Amma şart aldıq, telükesizlikni aytmadıq», – dedi Zelenskıy.
«Ukrayınanıñ NATO azalığında kimse bazarlıq yapmaycaq. Er kes soñunace samimiymi ve er şey kerçekmi bilmeyim, amma bugün bu cenkte ğalebe qazanmağa yardım etken ortaqlarımızğa işanamız», – dep qayd etti o.
Zelenskıyıñ NATO memleketleriniñ yolbaşçılarınen Vilnüste muzakere etken meselelerinden biri Ukrayınağa uzaq mesafeli silâ, ATACMS raketa sistemalarını bermek talabı oldı. Bu meselede müsbet qarar yoq. Ukrayına prezidenti bu meselede muzakerelerni devam ettirecek, dep bildirdi.
O, Ukrayına 2024 senesi iyün ayında Washingtonda keçirilecek kelecek NATO sammitine qadar cenkte zafer qazanacaq, dep eminliknen bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
