Ukrayina prezidenti Volodımır Zelenskıy Quralaynıñ 12-si sabası, Quralaynıñ 9-ndan 11-ne qadar ilân etilgen ateş toqtatuv rejimi bitken soñ Rusiye ücümleri şiddetlengenini bildirdi.
"Rusiye özü bir qaç kün devam etken qısmiy ateşni toqtatuv rejimini bitirmekni sayladı. Bir gece devemında olar Ukrayinağa 200-den ziyade ücüm dronunı uçurdı. Cebede kene ava bombalarını taşlap başladılar – 80-den ziyade, 30-dan ziyade avia ücüm qayd etildi", — dedi o.
Ukrayina prezidenti qayd etti ki, Dnipropetrovsk, Jitomır, Mıkolayiv, Sumı, Harkiv, Çerniğiv ve Kıyiv vilâyetlerinde ve paytahtta ücüm dronları urıp tüşürilgen. Darbeler neticesinde yaralanuvlar ve ölümler bar.
"Biz bütün rus adımlarına cevap olaraq küzgü kibi areket etecegimiz aqqında bildirgen edik. Rusiye bu cenkni bitirmek kerek, ve tamam Rusiye aqiqiy, devamlı ateş toqtatuvğa adımlar atmaq kerek", — dep qoştı Ukrayina prezidenti.
O, Rusiyege qarşı sanksiyalarnı cenkni bitirmegence devam etmege ve arttırmağa çağırdı.