Ukrayına prezidenti Volodımır Zelenskıy Türkiye lideri Recep Tayyip Erdoğannen bütün esirlerniñ ve rusiyeliler hususan Qırımdan sürgün etken ukrayınlerniñ qaytuvı aqqında Barışıq formulasını muzakere etti.
«Bugün (yanvarniñ 5-nde – QA) bunı Türkiye prezidentinen muzakere ettim. Rusiyeliler hırsızlağan ukrayınalı balalanıñ qaytuvı. Esirler ve işğal etilgen topraqlarda, hususan Qırımda repressiyalarğa oğrağan er kesniñ qaytuvı. Türkiyeniñ aracılığı pek müim, qırımtatarlar da, başqaları da – Rusiye apsinde tutulğan büyükler ve balalar, arbiy ve vatandaşlar azat etilmeli», – dep qayd etti Zelenskıy.
Ukrayına lideri milliy telükesizlik mesleatçıları seviyesinde yañı halqara körüşüvni ilân etti – körüşüv Davosta (İsveçrede) ötkerilecek.
Qırım.Aqiqat qırımtatarlar Qırımdan kene nasıl quvulğanını, Rusiye qırımtatarlarnı kene evsiz qaldırğanını «Sessiz sürgünlik» levhasında kösterdi. Film qaramanları ikâyelerini, Rusiye işğal etken Qırımdan nasıl ketkenlerini, ne yaşağanlarını, ne içün qalıp olamağanlarını, şimdi qayda ve nasıl yaşağanlarını ve Qırımğa qaytıp olacaqlarını tarif etti.
Olarnı apiske ala, işkencege oğrata, taqip ete ediler. Rusiye apsine oğramaları mümkün edi. 1944 senesiniñ adiseleri tekrarlana: sovetler akimiyeti qırımtatarlarnı yük vagonlarında çıqarğan edi, şimdi Rusiye tamır halqnı tuvğan evlerini terk etmesine zorlay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
