Ukrayına prezidenti Volodımır Zelenskıy memleketniñ parlamentine çoqlu vatandaşlıqnı kirsetmege imkân berecek qnun leyhasını kirsetti.
«Bugün (yanvarniñ 22-nde – QA) Ukrayına Yuqarı Radasına qanun leyhasına deñişmeler qabul etmege ve çoqlu vatandaşlıq institutını kirsetmege imkân berecek esas qanun leyhasını teklif etem», – dep qayd etti siyasetçi Yaqınlıq Künü munasebetinen.
Zelenskıy ukrayınalılarnı devlet bayramınen tebrikledi.
«Bütün ukrayınalılar qoltutuşsa, teslim olmaq içün qol kötermeycekler. Epimiz küreşemiz. Ve bugün bu Dnipronıñ eki yalısınen bağlı. Bugün ukrayınalılarnıñ yaqınlığı Yer yarımkurresini sara, er bir köşesinde fevralniñ 24-nde «Men – ukrayınalım» dep yanğıradı», – dedi Zelenskıy.
Dekabrniñ 2-nde Zelenskıy Ukrayına Yuqarı Radasında çoqlu vatandaşlıq qanun leyhasını qayd etti.
Çift vatandaşlıq qanun leyhası tezden Yuqarı Radağa yollanacaq, dep aytqan edi oktâbr ayında iç işler naziriniñ birinci muavini Yevğen Yenin. O, qanun bir yıl içinde peyda ola bile, dep tahmin etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
