Link açıqlığı

Saatnıñ esas haberi

Zelenskıynıñ inauguratsiyası iyünniñ 1-ne qadar ötkerilmeli


Volodımır Zelenskıy
Volodımır Zelenskıy

Merkeziy saylav komissiyasınıñ ilk malümatına köre, Ukraina prezidenti saylavlarında ğalebe qazanğan Volodımır Zelenskıy Ukraina prezidenti vazifesine iyünniñ 1-ne qadar başlamalı. Bu Ukraina qanunlarında mevcut, dep haber ete Azatlıq Radiosı.

«Ukraina prezidenti saylavları» qanunına köre, prezident inauguratsiyasına qalğan künler (30 kün) saylavlarnıñ resmiy neticeleri derc etilgen son sayılıp başlay.

Qanunğa binaen, Merkeziy saylav komissiyası reylerni (sılaq müürli protokollar boyunca) 10 kün içinde, yani mayısnıñ 1-ne qadar, sayıp çıqmalı, amma bölge saylav komissiyalarınıñ protokollarını alğan kününden üçünci künge qadar bitirmeli. Bütün 199 okrug komissiyasınıñ protokolları Merkeziy saylav komissiyasına aprelniñ 26-nda keldi, şu sebepten neticeler aprelniñ 29-na qadar ilân etilmeli.

Bundan soñ neticeler «Ğolos Ukrayını» ve «Urâdovıy kuryer» gazetalarında resmiy şekilde derc etilmeli – buña daa üç kün (yani mayısnıñ 2-ne qadar) berile. Ve tek bundan soñ prezident inauguratsiyasına künler sayıla.

Prezident halqqa Yuqarı Radada ant ete – bu Ukraina Anayasasında yazıla.

İnauguratsiya keçirilecek kün Ukraina Yuqarı Radasınıñ qararınen (eñ az 226 rey) belgilene.

Zelenskıy Merkeziy saylav komissiyasını neticelerni resmiy şekilde ilân etmesini sozğanında qabaatladı. Onıñ fikirince, bunı Yuqarı Radanı dağıtmağa imkânı olmasın dep yapalar. Merkeziy saylav komissiyası bu aytqanlarını red etti.

XS
SM
MD
LG