Link açıqlığı

Saatnıñ esas haberi

Zelenskıynıñ ömür arqadaşı Qırımda penthouseni yarım fiyatına satın aldı – Reuters


Volodımır ve Yelena Zelenskıyler
Volodımır ve Yelena Zelenskıyler

Yañı saylanğan Ukraina prezidenti Volodımır Zelenskıynıñ ömür arqadaşı Rusiyeniñ yarımada işğalinden evel Qırımnıñ Livadiyasında penthouseni yarım bazar fiyatına aldı, dep haber ete Azatlıq Radiosı.

Reuters agentliginiñ bildirgenine köre, efsal meskenni Yelena Zelenskayağa oligarh Aleksandr Burâk sattı.

Reuters Zelenskıynıñ 2017 senesi deklaratsiyasını qayd etip, Yelena Zelenskaya 2013 senesi «İmperator» mesken kompleksinde üç odalı daireni aman-aman 164 biñ dollarğa (bir metr kâre içün tahminen 1,2 biñ dollardan) aldı, dep yaza. O vaqıt bunıñ kibi daire fiyatları, mesken agentlikleriniñ malümatına köre, bir metr kâre içün 2,8-4 biñ dollar edi, dep qayd ete Reuters.

Agentlikniñ malümatına köre, Volodımır Zelenskıynıñ taqm vekilleri ya da meskenni satqan kişi añlaşma tafsilâtlarını izaatlamadı.

Haber etilgenine köre, al-azırda Yelena Zelenskayanıñ efsal dairesi satılmaqta.

«Bu daire aprel ayında «Priçal 82» mesken agentligi tarafından 790 668 dollar fiyatınen satışqa çıqarıldı, yani fiyat 2013 senesi berilgen paradan dört qat ziyade oldı», – dep aytıla Reuters tedqiqatında.

Mart ayınıñ soñunda «Slidstvo.İnfo» gruppasınıñ jurnalistleri Volodımır Zelenskıynıñ İtaliyada 15 odalı villası bar, dep bildirgen edi. 2017 senesi onı 3,8 million euroğa şirket satın aldı, onıñ saipleri ise Volodımır ve Yelena Zelenskıyler ola.

XS
SM
MD
LG