Ukraina prezidentiniñ Ofisinde, yanvarniñ 3-ünde Türkiye prezidenti Recep Tayyip Erdoğannıñ Ukraina ziyareti çerçivesinde Volodımır Zelenskıy ile muzakereleri olacağını haber ettiler, bundan ğayrı işbirlik şurasınıñ oturışı ve biznes forumı keçirilecek.
"Ziyaret çerçivesinde devlet başları köz-közge körüşecek, bundan ğayrı Volodımır Zelenskıy ve Recep Tayyop Erdoğannıñ reisliginde Ukraina ve Türkiye arasında Yüksek Seviyeli Strategiya Şurasınıñ sekizinci oturışı keçirilecek. Strategiya Şurasınıñ oturışı soñunda bir sıra eki taraflı vesiqalarnıñ imzalaması planlaştırıla", - denile beyanatta.
Ukraina prezidenti Volodımır Zelenskıy avgustnıñ 7-sinde Türkiye prezidenti Recep Tayip Erdoğannen Anqarada qonuşqan edi. Olar Donbass cenki, Qırım ilhaqı ve yarımadada qırımtatarlarnıñ taqibatı aqqında laf etti. Bundan ğayrı iqtisadiy işbirlikni ve ava limanlarınıñ ve yollarnıñ beraberlikte qurulışını muzakere etti.
