Zalujnıy, Zelenskıy ve Büyük Britaniya Tış işler nazirligi bunı daa izaatlamağan edi.
2023 senesi iyül ayına qadar Ukrayınanıñ Londradaki elçisi Vadım Prıstayko edi.
Fevralniñ 8-nde Ukrayına prezidenti Volodımır Zelenskıy ve Ukrayına Silâlı quvetleriniñ baş komandanı Valeriy Zalujnıy körüşip, Ukrayına Silâlı quvetlerinde deñişmeler yapılmalı, dep bildirgenler.
Volodımır Zelenskıy general-polkovnik Oleksandr Sırskıynı Ukrayına Silâlı quvetleriniñ yañı baş komandanı olaraq tayin etip, Valeriy Zalujnıyge «eki yıllıq imaye içün» teşekkür bildirdi.
Bundan soñ Zelenskıy Valeriy Zalujnıyge Ukrayına Qaramanı unvanını berdi.
Valeriy Zalujnıy vazifesinden ayırılğan soñ «Ukrayına Qaramanı unvanını almaq onıñ içün büyük şeref» dep, «Ukrayına halqına sadıqlıq ve minnetdarlıqnen hızmet etecek», dep ayttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
