Ukraina prezidenti Volodımır Zelenskıy Parijdeki Yelisey sarayına keldi. Anda bir qaç eki taraflı muzakerelerde ve «normand formatı» memleketleriniñ liderleri körüşüvinde iştirak etecek.
Nastoyaşçeye Vremâ canlı yayınnı köstere.
Zelenskıy ve Rusiye prezidenti Vladimir Putin «normand dördü» muzakerelerinden soñ eki taraflı körüşüv ötkerecekler.
Dekabrniñ 9-nda «normand dördü» liderleriniñ üç yıl içinde ilk körüşüviniñ keçirilmesi planlaştırıla. Ukraina prezidenti Volodımır Zelenskıy, Frenkistan prezidenti Emmanuel Macron, Almaniya kantsleri Angela Merkel ve Rusiye prezidenti Vladimir Putin Frenkistannıñ paytahtı Parijde muzakereler keçirecekler, dep haber ete Azatlıq Radiosı.
Noyabrniñ soñunda Zelenskıy, «normand formatı» memleketleriniñ liderleri esirlerniñ qaytuvı, ateş toqtatıluvı, Ukraina-Rusiye sıñırınıñ kontroli ve Donbastaki saylavlarnı muzakere etecekler, dep bildirdi.
