Ukraina prezidenti Volodımır Zelenskıy ABD Ukraina meseleleri devlet departamentiniñ mahsus vekili Kurt Volker ve ABD Avropa Birligi daimiy temsilcisi Gordon Sondland ile körüşti. Bu aqta Azatlıq Radiosı haber ete.
Zelenskıy ABD memuriyetiniñ vekillerinen birleşken quvetlerniñ tedbirleri keçirilgen alandaki vaziyetni, hususan Stanitsa Luganskaya etrafında küç ve vastalarnıñ dağıtıluvını muzakere etti.
Körüşüvde taraflar küçlerni dağıtuv esnasını muvafaqiyetnen yekünlenmege ve sıñır çizgisinde gumanitar vaziyetni eyiliştirmege imkân berecek adımlarnıñ Rusiye desteklegen terrorcılar tarafından atılması kerek, dep qayd etti.
Ukrainanıñ ABD elçihanesi Volker ve Sondland Ukraina ve ABD arasındaki işbirligini muzakere etip, Birleşken Devletler Ukrainanıñ demokratiyası, telükesizligi ve eyiallığına qoltutqanını bildirdi.
İyünniñ 26-nda Ukraina arbiyleri Stanitsa Luganskayadaki keçiş noqtası ögündeki mevzilerden birinden çekildi. Rusiye qoltutqan «LNR» gruppirovkası da Stanitsa Luganskayada küçlerni dağıtqanını bildirip, bu esnas üç kün devam ete bile, dep qoştı.
OSCE mahsus monitoring missiyası terrorcılar Stanitsa Luganskaya civarında küçlerni dağıttı, dep bildirdi.
