Ukrayina Silâlı Quvetleriniñ qarşı ücümi "bir qaç yönelişte kete", dep qayd etti Finlâdniya baş naziri Petteri Orpo ile brifing vaqtında Ukrayina prezidenti Volodımır Zelenskıy.
Zelenskıynıñ qayd etkeni kibi, "cebeniñ sıq minalanması qarşı ücümni mürekkepleştire, amma arbiyler ilerilemege devam eteler".
"Qarşı ücüm aqqında. Biz onı bir qaç yönelişte köre bilemiz. Biz ögge ketemiz. Minalama mürekkep olğanı içün pek qıyın. Rusiyeniñ özünden soñ qaldırğanı - biñlernen mayın. Arbiyler biz ögge ketkenimizni bildireler. Ebet, pek yavaş, amma doğru yönelişte adımlaymız", - dep bildirdi devlet başı.
Evel Ukrayina prezidenti Volodımır Zelenskıy qarşı ücüm bir «Gollivud filmi» degil, çünki «insanlarnıñ ayatı bar», dep qayd etken edi. Ukrayina Silâlı quvetleriniñ baş komandanı Valeriy Zalujnıy Ukrayınanıñ qarşı ücümi «beklengenden daa yavaş» kete degen sözler onı «açuvlandıra» dep bildirgen ve Ukrayınanıñ azat etilgen er bir metri «qannen berile», dep qoşqan edi.
ABD ştabları yolbaşçılarınıñ birleşken komitet yolbaşçısı general Mark Milli Ukrayına Silâlı quvetleriniñ qarşı ücümi «kesen-kes ileriley», amma devamlı ve «pek qanlı» olacaq, dep ayttı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
