Ukrayinanıñ NATO azası olması "dünyanıñ tecavucılardan qorqmamasına" cevap olacaq ve Kremlniñ yolbaşçımı Vladimir Putinni de "yerine qoyacaq", dep bildirdi Ukrayina devlet başı Volodımır Zelenskıy.
"Müim olğan Putinni yerine qoyıp senden qorqmaymız demektir. Ukrayinanıñ NATO azası olması ise dünyanıñ iç bir tecavuzcıdan qorqmağanını köstergen cevaplardan biridir", - dep qayd etti o.
Zelenskıy, "Ukrayinanıñ Vilnüste sammitte NATO-ğa qoşuluv daveti almasınıñ sebebiniñ bu olğananı" bildirdi.
Prezident, "NATO Ukrayina içün eñ büyük telükesizlik kefaletidir" dep qayd etti.
Zelenskıynıñ sözlerine köre, "Rusiyeniñ maqsadı Şuralar Birliginiñ bütün devletlerini keri almaqtır".
Daa evel Financial Times, Avropa Birligi Ukrayinağa telükesizlik kefaletlerini teklif etmege azırlanğanını, blok liderleri ise cenk ve Rusiyede artqan ğayrı stabillik vaziyetinde uzun müddetli mecburiyetlerini razılaştırmağa azırlanğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
