Ukrayina prezidenti Volodımır Zelenskıy Ukrayina arbiy quvetleriniñ baş komondanı Valeriy Zalujnıynı istifağa yolladı. General Oleksandr Sırskıy silâlı quvetlerniñ yañı baş komandanı olaraq tayinlendi, dep bildirdi siyasetçi öz telegram-kanalında.
''Onıñ muvafaqiyetli mudafaa tecribesi bar - Kıyiv mudafaa operatsiyasını keçirdi. Onıñ Harkiv azat etüv operatsiyasınıñ muvafaqiyetli tecribesi de bar'', - dep qayd etti Zelenskıy.
Ukrayina mudafaa naziri Umerov, Ukrayina Silâlı quvetleriniñ reberligini deñiştirmek kerek olğanı aqqında qarar alındı, dep bildirdi.
''Cenk er vaqıt deñişe. Cenk deñişe ve deñişüvler talap ete. 2022, 2023 ve 2024 cenk areketleri - bu üç farqlı kerçekliktir. 2024 senesi yañı deñişmelerni ketirecek, olarğa azır olmaq kerek. Yañı yanaşuvlar, yañı strategiyalar kerek. Bugün Ukrayina Silâlı quvetleriniñ reberliginiñ deñiştirilmesi aqqında qarar alındı. Bütün muvafaqiyetleri ve ğalebeleri içün Valeriy Fedoroviçke samimiy minnetdarım", - dep yazdı Umerov Facebookta.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
