Ukraina prezidenti Volodımır Zelenskıy tarihiy vatanlarınıñ inkişafında iştirak etmege tırışqan ve Kyiv ile dostane munasebetlerde bulunğan memleketlerniñ etnik ukrainleri içün Ukraina vatandaşlığını ekinci vatandaşlıq olaraq berüv mehanizmini azırlamağa avale etti.
Bundan ğayrı, Ukraina vatandaşlığını almaq içün qolaylaştırılğan tedbirler öz memleketlerinde insan aqları ve serbestliginiñ bozuluvından zarar körgen vatandaşlar içün de keçerli olacaq.
Zelenskıynıñ teklifi Rusiye prezidenti Vladimir Putin Rusiye vatandaşlığını qolaylaştırılğan tedbirler boyunca ala bilecek Ukraina vatandaşlarınıñ kategoriyalarını daa bir kere kenişletken soñ peyda oldı. Artıq bundan Ukrainanıñ Donetsk ve Lugansk vilâyetleriniñ bütün sakinleri faydalana bile.
