Ukraina prezidenti Volodımır Zelenskıy Ukraina kontrol etmegen topraqlar içün telekanal adını tasdıqladı, dep bildire «Detektor media» saytı kanalnı qurğan Medeniyet, gençlik ve sport nazirligine yaqın üç menbağa esaslanıp.
«Ev» adı altında yañı telekanal 2020 senesi martnıñ 1-nde ya da 2-nde çalışıp başlaycaq. Kanal martnıñ 2-nde taqdim etilecek.
2019 senesi yazda Ukraina prezidentiniñ ofisi işğal etilgen Donbasta ve Qırımda ukrainalılarnıñ ve Rusiyede rusiyelilerniñ «aqlı» içün küreşecek dünya rus tilli kanalnı quruv ğayesini seslendirgen edi.
Yanvarniñ 13-nde UATV halqara yayın ukrain telekanalınıñ ingliz ve qırımtatar tilli muarririyetleri işini toqtattı.
Ukraina memurları 2020 senesi fevral ayında UATV esasında Ukraina akimiyeti kontrol etmegen topraqlar içün rus tilli telekanal açılacaq, dep ilân etken edi.
