Ukraina prezidenti Volodımır Zelenskıy memleketniñ futbol taqımını İsveçiya taqımı ile oynağan matçta qazanğan ğalebelerinen tebrikledi. O, Ukraina futbolcılarına bütün memleket Qırımnen beraber qol tuttı, dep qayd etti.
«Bugün siz ve biz yoq edi. Bugün BİZ bar edik. Ukraina! 40000000-dan çoq insan olğan taqım. Ujğoroddan Luganskqa qadar. Çerniğivden Aqmescitke qadar», – dep yazdı Zelenskıy içtimaiy ağlarda.
Ukraina taqımı iyünniñ 29-nda Avropa futbol çempionatı finalınıñ 1/8-inde İsveçiya taqımını 2:1 esabınen yeñdi. Çerik finalda Ukraina almanlarnı 2:0 esabınen yeñgen İngiltere taqımınen körüşecek. Matç Romada olacaq.
