İyülniñ 22-sinde Ukrayina prezidenti Volodımır Zelenskıy NATO baş kâtibi Yens Stoltenberg ile telefondan laf etti.
Ukrayina prezidenti haber etkeni kibi, aytışmalar vaqtında alyansnıñ Vilnüste olıp keçken sammiti vaqtında elde etilgen añlaşmalarnıñ ömürge keçirilmesi muzakere etilgen.
Bundan ğayrı Zelenskıy ve Stoltenberg Qara deñizdeki vaziyetni ve global erzaq telükesizligi havflarını muzakere etkenler.
NATO sammitinde qabul etilgen Beyanname Ukrayinanıñ mudafaa ve istihbarat imkânlarını quvetleştirmek içün Kıyiv ve G7 memleketleri ve diger imzalağan memleketler arasında ekitaraflı añlaşmalarnı köz ögünde tuta.
Evel Ukrayina prezidenti Volodımır Zelenskıy G7 memleketleri tarafından teklif etilgen telükesizlik kefaletlerini alğışlağan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
