Prezident ve parlament saylavları Ukrayinada cenk vaziyet bitken soñ keçirile bile, dep ayttı Ukrayina prezidenti Volodımır Zelenskıy. Bu aqta o, yanvarniñ 2-nde ömür arqadaşı Olena Zelenska ile milliy tele marafonı vaqtında bergen intervyüsında ayttı.
O, bu 2025 senesi ola bilecegini tahmin etti, eger de Ukrayina cenkniñ qızğın basamağını küçlü yerlerde bitire bilse:
"Eger biz muvafaqiyetli olsaq ve cenkniñ qızğın basamağını bu sene Ukrayina içün küçlü bir şekilde bitirip olsaq, küçlü ordu, silâ paketi, telükesizlik kefaleti qalır, bundan soñ Ukrayinada arbiy vaziyet olmağanını tüşünmek mümkün", — dep ayttı Ukrayina prezidenti.
O, cenk vaziyeti lâğu etilse, parlament saylavlarnıñ kününi belgiley bile, dep qoştı.
Zelenskıy qayd etti ki, saylavlar aqqında "Rusiyeden ğayrı iç bir yerde laf etilmey, ve biraz Ukrayinada da laf etile":
"Ukrayinada insanlar, menimce, qorqalar: cenk vaqtında saylavlar nasıl olur? Rusiyede ise bunı pek isteyler, Ukrayina prezidentiniñ qanunsızlığı aqqında yırnı desteklemek içün".
Aynı zamanda, o, Ukraнina anayasası cenk vaziyeti vaqtında saylavlarnıñ keçirilmesini yasaq etkenini hatırlattı. O, lâğu etilmegence, yañı prezident ve parlament saylanılğance, devletniñ şimdiki başı ve Ukraнina Yuqarı Radasınıñ deputatları qanuniy akimiyet olalar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
