Link açıqlığı

Saatnıñ esas haberi

Zelenskıy, Rusiyeniñ keñ mıqyaslı tecavuzı başlanğandan berli Ukraina Silâlı Quvetleriniñ ğayıpları aqqında ilk sefer malümat berdi


Volodımır Zelenskıy

Ukraina prezidenti Volodımır Zelenskıy Rusiyeniñ keñ mıqyaslı tecavuzı başlanğandan berli Ukraina Silâlı Quvetleriniñ tahminiy ğayıpları aqqında ilk sefer malümat berdi.

Onıñ sözlerine köre, feralniñ 24-nden berli tahminen 1300 ukrain askeri elâk olğan. Bunı o çetel haber vastaları içün keçirilgen brifing vaqtında haber etti.

"Bugünge qadar memleketimizde 1300, Rusiyede ise 12 biñden çoq arbiyniñ elâk olğanı bizni sevindirmey. Birden on. Olardan 12 biñ insannıñ elâk olması meni sevindirmey (Ukraina Silâlı Quvetleriniñ Baş ştabı bu raqamnı RF ordusınıñ ğayıpları kibi bildire, amma olardan qaç elâk oldı ve qaç yaralı qayd etilmey). Be menim dünya baqışım degil", - dedi Zelenskıy.

Evel Ukraina Mudafaa nazirliginiñ Baş istihbarat idaresiniñ reberi Kirill Budanov Qırım.Aqiqatqa Ukraina Silâlı quvetleriniñ ğayıpları aqqında malümat "belli bir derecede arbiy sır" olğanını ayttı ve olarnı bildirmekten red etti.

Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.

Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.

Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.

Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG