Ukrayina prezidenti Volodımır Zelenskıy oktâbrnin 20-nde yapqan muracaatında Avdiyivkanı mudafaa etken ukrayinalı arbiylerge teşekkür etti. O, "Rusiyeniñ ğayıpları kerçekten şaşırta" dep bildirdi.
"Mudafaanı küçlü bir şekilde tutqan ve işğalcilerni er kün yoq etken bütün arbiylerimizge minetdarım. Soñki künler devamında Rusiyeniñ ğayıpları kerçekten şaşırta, Ukrayinağa ise işğalcilerniñ tam böyle ğayıpları kerek", - dep qayd etti Ukrayina prezidenti.
Rusiye Mudafaa nazirligine yaqın olğan "Rıbar telegram kanalı oktâbrniñ 19-nda Rusiye ordusı Avdiyivkanıñ qamaçavğa alınması içün ameliyatnı devam ete, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
