Ukrayina prezidenti Volodımır Zelenskıy, Rusiye Milât bayramınace öz ordusını Ukrayina topraqlarından çaqarmağa başlay bilir ve böylece tecavuzdan vazgeçmek qabiliyetini köstere bilir edi, dep saya.
"Moskvada pek sıq muzakere etilgen diplomatik çezim yolunda Rusiyege konkret, manalı adım atmağa teklif etemiz", - G7 liderlerine muracaat etip dedi Ukrayina prezidenti.
Zelenskıynıñ sözlerine köre, eger Rusiye ordusını keri çekse, bu em de arbiy areketlerniñ işançlı toqtatılmasını temin etecek.
"Moskvanıñ cevabı olarnıñ kerçekten ne istegenlerini kösterecek", - dep qoştı o ve G7 liderlerini buña qoltumağa çağırdı.
G7 onlayn sammitiniñ iştirakçilerine muracaat etip, Zelenskıy kene Rusiyeniñ tecavuzından qorunmaq içün Ukrayinağa çoqlu ateş raketa sistemaları ve uzaq menzilli raketalarnıñ berilmesini istedi.
Aynı zamanda Zelenskıy, ukrayinlerniñ ve Ukrayina topraqlarınıñ azat etilmesini tezleştirmek içün diplomatiyanı qullanma fırsatını" is etkenini bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
