Ukrayina prezidenti Volodımır Zelenskıy, memleket başlıqlarınıñ Rusiye ordusınıñ Herson vilâyetindeki suv elektrik stantsiyasını minalaması aqqında malümatı olğanını bildidri.
Zelenskıy bunı cumaaqşamı künü Avropa Şurasınıñ oturışında video bağlantısı vastasınen çıqışta bulunır eken bildirdi.
"Rusiye terrorcıları suv elektrik stantsiyasınıñ bentini ve cihazlarını minalağanı bizge malümdır. Bu eñ büyük energetik bloklardan biridir. Bu suv elektrik stantsiyasınıñ bentinde tahminen 18 million kubometr suv bar. Rusiye terrorcıları bu bentni patlatsalar, o zaman Herson ile beraber 80-den çoq meskün yer suv astında qalacaql", - "İnterfaks-Ukrayina" Zelenskıynıñ aytqanlarından alıntı ketire.
Ukrayina prezidenti, stantsiyanıñ patlatılması neticesinde memleketniñ cenübiniñ büyük qısmınıñ suv teminatı bozula bilir, dep qoştı. Bundan ğayrı Avropadaki eñ büyük Zaporijjâ atom elektrik stantsiyası reaktorlarını suvutmaq içün suvsız qalacaq. Zelenskıy Kahovka suv elektrik stantsiyasına halqara közeticilerni yollamağa ve anda ukrayin hadimlerini qaytarmağa çağırdı.
Kahovka suv elektrik stantsiyasınıñ benti Rusiyeniñ nezareti altında olğan Dniprodan keçken üç keçitten biridir. Amerika cenkniñ tetqiqi institutınıñ soñki talilinde Rusiye arbiyleri Hersondan keri çekilgen zaman şeerni ve civarını suv altında qaldırmaq içün onı patla bilecegi aqqında haber etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
