Rusiye Ukrayina Silâlı quvetleriniñ Kursk vilâyetindeki bir aylıq ameliyatı neticesinde tahminen 6 biñ askerini ğayıp etti, dep bildirdi Ukrayina prezidenti Volodımır Zelenskıy "Ramştayn" formatında Ukrayina mudafaası boyunca kontakt gruppasınıñ toplaşuvında.
Ukrayina prezidentiniñ aytqanına köre, bu oameliyat sayesinde Rusiyeniñ Sumı ücümi içün iç bir telüke yoq. Şimdi Ukrayina Rusiye territoriyasınıñ 1300 kvadrat kilometrini nezaret ete — bu yüzden ziyade meskün yer.
Bir kün evelsi prezident Volodımır Zelenskıy NBC News amerika telekanalına bergen intervyüsında Ukrayina Silâlı quvetleri Kursk vilâyetinde ameliyat vaqtında 600-den ziyade Rusiye arbiy hızmetçisini esir aldı, dep bildirdi.
Ukrayina ordusı avgustnıñ 6-nda Rusiyeniñ Kursk vilâyetine kirdi. Rusiye akimiyeti öz ordusınıñ ğayıpları aqqında resmiy şekilde haber etmey. Aynı zamanda, Rusiye kontrolindeki Qırım ve Aqyar şeer ve memuriyetleriniñ yolbaşçıları Kursk vilâyetinde elâk olğan Rusiye arbiyleriniñ Qırım mezarlıqlarında defin etilgeni aqqında bildireler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
