Ukrayina prezidenti Volodımır Zelenskıy BMT Baş Assambleyasınıñ toplaşuvında çıqışta bulunıp, Rusiye ordusı bütün ukrayin issilik elektrostantsiyalarını ve GES-lerniñ büyük qısmını yoq etti, dep bildirdi.
"Rusiye cenk meydanında halqımıznıñ tirenüvini yeñip olamağanı içün, Putin ukrayin ruhunı qırmaq içün başqa yollar qıdıra. Onıñ usullarından biri — energetik infrastrukturağa ücüm etmektir. Bu, Rusiyeniñ bizim elektrik stantsiyalarımızğa ve bütün energiya sistemasına yapılğan añlayışlı ücümleridir", — dep ayttı siyasetçi.
Onıñ aytqanına köre, böyleliknen Kreml yolbaşçısı Vladimir Putin Ukrayinanı azap çekmege ve teslim olmağa mecbur etmek istey.
"Böylece Putin qışqa azırlana. Millionlarnen ukrayinalını işkencege oğratmaq istey. Aileler, qadınlar ve balalar. Sıradan şeerler, sıradan meskün yerler. Putin olarnı bu qışta qaranlıqta ve suvuqta qaldırmaq istey, Ukrayinanı azap çekmege ve teslim olmağa mecbur ete", – dep bildiridi ukrayin lideri.
Zelenskıy, Rusiye Ukrayinanıñ üç atom elektrostantsiyasına ücüm etmekni planlaştıra, dep tekrarladı. O, özek telükesizligini ğayrıdan tiklemege çağırdı. Bu sual, onıñ aytqanına köre, onıñ "barışıq formulasınıñ" birinci maddesidir.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
