Ukraina prezidenti Volodımır Zelenskıy qırımtatar halqını UNESCO-nıñ «Örnek» qırımtatar örnegini insanlıqnıñ ğayrı maddiy medniy mirasnıñ kösterüv cedveline kirsetmege qararı ile hayırladı. Bunı o Twitter-de yazdı.
«Qırımtatar halqını ve bütün Ukrainanı bu ğalebenen hayırlayım. UNESCO ananeviy qırımtatar örnegini insanlıqnıñ ğayrı maddiy medniy mirasnıñ kösterüv cedveline kirsetti. Bu qırımlılarnıñ özgünliginiñ ve Ukraina medeniy mozaikasınıñ dülberliginiñ lâyıq tanılması», – dep yazdı o.
UNESCO «Örnek» qırımtatar örnegini insanlıqnıñ medeniy mirasnıñ kösterüv cedveline kirsetti.
Ukraina TİN yolbaşçısı Dmıtro Kuleba UNESCO-nıñ qararına «kerçekten müim vaqia» dedi.
2018 senesi Ukraina Medeniyet nazirligi qırımtatar örnegini medeniy miras cedveline kirsetti. Medeniyet nazirliginde, qırımtatar örnegi ve onıñ elementleri bezekler olaraq esas itibarı ile nağışta, urbada, ayaqqaplarda, baş kiyimlerinde, türlü aksessuarlar çeşitlerinde, quyumcılıq eserlerinde ve turmuş eşyaları: keramik ve maden savutlar, ağaç eşyalar, ev eşyaları, mebel bezetilmeleri ve kilim töşemelerinde qullanılalar. O, muim bir özüni tanıma elementi, er bir qırımtatar qorantasınıñ ayatındaki ayırılmaz bir parçadır.
