Ukrayina prezidenti Volodımır Zelenskıy Qırım MC ve Aqyar şeeriniñ işğalden azat etilmesi ve reintegratsiyası içün Mesleat şurasınıñ terkibini tasdıqlağan.
Mesleat şurasına 43 insan kirgen, olarnıñ arasında Prezident Ofisiniñ reberi, Nazirliklerniñ temsilcileri, Qırımtatar halqınıñ lideri Mustafa Cemilev, Qırımtatar Milliy Meclisiniñ reisi Refat Çubarov ve çetel ekspertler.
Mesleat şurası Qırım yarımadasınıñ işğalden azat etilmesine ve reaitegratsiyasına yönetilgen faaliyetlerniñ koordinatsiyasını qolaylaştırmaq içün Ukrayina devlet başına bağlı olğan bir tanışma organı olaraq qurulğan. Şuranıñ kâtibi vazifesine Ukrayina Prezidentiniñ QMC Daimiy temsilcisi Tamila Taşeva tayin etilgen.
Ukrayina Mudafaa nazirligi Baş istihbarat idaresiniñ reberi Kırılo Budanov Ukrayina Silâlı quvetleriniñ qarşı ücümine azırlıq «planğa köre kete», amma yerine ketirüv planlarını aydınlatmaycaq, dep bildirgen edi.
Qırımnıñ Rusiye yolbaşçısı Sergey Aksönov Ukrayina istihkam ve mudafaa sayesinde yarımadanı işğalden qurtarıp olamaycaq, dep aytqan edi.
Mayısnıñ başında Baş istihbarat idaresiniñ vekili Andriy Yusov Qırımda Rusiye memuriyetleriniñ temsilcileri Rusiye işğal etken yarımadanı terk ete, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
