Ukrayina prezidenti Volodımır Zelenskıy qırımlı Emine Cepparnı Viyanada halqara teşkilâtlar yanında Ukrayinanıñ daimiy temsilcisi vazifesine tayinledi.
''Japarova Emine Ayarovnanı Viyanada halqara teşkilâtlar yanında Ukrayinanıñ daimiy temsilcisi vazifesine tayin etimek'', - Ukrayina prezidentiniñ mütenasip fermanında aytıla.
Ceppar özü Facebook saifesinde Ukrayina lideri ve tış işler naziri Dmıtro Kulebağa teşekkür bildirdi.
''Yañı ufuqlar, yañı vazifeler devletimizniñ yekâne ve esas Ğalebe Yolunda! Nazir Dmıtro Kuleba ve Ukrayina Prezidenti Volodımır Zelenskıyge işanç köstergenleri içün minnetdarlıq bildirip!'' - dep izaatladı öz tayinlenüvini Ceppar.
Emine Ceppar 2020 senesi iyünniñ 10-nda Ukrayina tış işler naziri Dmıtro Kulebanıñ birinci muavini vazifesine tayinlendi. 2020 senesi iyülniñ 14-nde Ukrayina prezidentiniñ buyruğı ile o, UNESCO işleri boyunca Ukrayina Milliy komissiyasınıñ yolbaşçısı vazifesine tayinlendi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
