Qayd etilgenine köre, sportçu mukâfat laureatı "Ukrayina mustaqilliginiñ tasdıqlanmasında ve cemiyetniñ birleştirmesinde köstergen büyük hızmetleri, dünyada Ukrayina devletiniñ itibarınıñ pekitilmesine qoşqan büyük isse ve sportta qazanğan muvafaqiyetleri içün" oldı.
Azatlıq ordeni — Ukrayina mustaqilligi ve suverenitetiniñ pekitilmesinde, ukrayin cemiyetiniñ birleştirilmesinde, demokratiyanıñ inkişafında, içtimaiy-iqtisadiy ve siyasiy islâatlarda, insan ve vatandaşnıñ anayasa aqları ve serbestliginiñ qorçalavında vatandaşlarnıñ eñ büyük ve hususiy yararlıqları içün berilgen Ukrayina devlet mukâfatı. 2024 senesi iyül ayına 79 insan, şu cümleden 27 çetel vatandaşı, nişannıñ kavaleri ola.
Daa evel Usik Ukrayina prezidentinden "Milliy efsane" mukâfatını aldı. Bundan da ğayrı, mukâfat laureatı deñiz dronlarınıñ ideologı Sea Baby, SBU arbiy kontrrazvedka brigada generalı İvan Lukaşeviç ve çağırılış adı Hunter oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
