Ukraina prezidenti Volodımır Zelenskıy, Avropa Birliginiñ Rusiyege qarşı sanktsiya tazyığını ve işğal etilgen Qırımda Devlet Dumağa saylavlarnıñ teşkil etilmesinde iştirak etken er keske qarşı sıñırlama tedbirlerniñ qullanılmasını quvetleştirmek kerek, dep saya. O qayd etti ki, Qırımda Rusiye saylavlarına alâqı olğan er kes sanktsiyalar cedveline kirsetilmeli.
Bunı o, Avropa Birliginden Avropa Şurasınıñ prezidenti Şarl Mişel ve Avropa Komissiyasınıñ prezidenti Ursula fon der Lâyyen ile beraber Kyivde Ukraina-AB sammitiniñ neticelerine köre bergen matbuat konferentsiyası vaqtında ayttı.
"İşğal altında olğan Qırımda, Aqyar şeerinde ve Ukrainınıñ muvaqqat işğal yotilgen topraqlarında RF Devlet Dumasını saylavlarnıñ teşkil etilmesinde ve keçirilmesinde iştirak etken er kes sanktsiyalar cedveline kirsetilmeli", - dedi Zelenskıy.
Qırımda insan aqlarınıñ mutazam bozulmaları da diqqatsız qalmamalı, dep bildirdi.
Hatırlatamız, sentâbrniñ 17-den 19-nace Rusiye Devlet Dumasına saylavlar olıp keçti. İşğal etilgen Qırım ve Aqyar şeerinde de rey berdiler.
