Ukrayina devlet başı Volodımır Zelenskıy The Wall Street Journal-ğa intervyü berir eken, RF prezidenti Vladimir Putinni "ayatını ğayıp etmekten qorqqan zavallı ayvanğa" beñzetti.
Ukrayina prezidenti, Putin "quvet köstermege tırışqanı içün daima dünyanı özek silâsı ile qorqutqanını" bildirdi. O, Rusiye diktatorına "zayıf insan" dedi.
"Zavallı ayvan, ayatını ğayıp etmekten qorqa. O dünyanıñ quvetinden qorqmalı. O quvetni añlay. Rusiye Federatsiyasınıñ izolâtsiyasına kelgende, bu insanlarnıñ çevresini küçlü yapmaq kerek", - dedi o.
Martnıñ 17-nde Halqara ceza mahkemesiniñ Başlanğıç mahkeme palatası Rusiyeniñ Ukrayinağa qarşı cenki köntekstinde eki insan içün tevqif orderini çıqardı. Bular Rusiye prezidenti Vladimir Putin ve Rusiye prezidenti yanında bala aqları vekâletlisi Mariya Lvova-Belova. Olar Ukrayinanıñ işğal etilgen topraqlarından ealiniñ (balalarnıñ) qanunsız sürgün etilmesi ve ealiniñ (balalarnıñ) qanunsız şekilde Rusiyege köçürilmesi kibi cenk cinayetlerini yapqanı ile şubeli sayılalar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
