Ukrayina devlet başı Volodımır Zelenskıy Ukrayina Prezidentniñ Qırım MC daimiy temsilcisiniñ yañı muavini tayin etti. Bunıñ aqqında devlet başınıñ saytında haber etile.
"Kurışko Olga Mıkolayivnanı Ukrayina Prezidentiniñ Qırım MC Daimiy temsilcisiniñ muavini vazifesine tayin etmek", - dep yazıla №113/2023 buyurıqta.
Kurışko Yaroslav Mudrıy adına Ukrayina Milliy uquq akademiyasında tasil aldı. O, "QırımSOS" uquq qoruyıcı teşkilâtınıñ uquq yönelişiniñ koordinatorı olaraq çalıştı. Temsilcilikniñ taqımına 20221 senesi dekabr ayında qoşuldı.
Keçenlerde Prezidentniñ Qırım MC daimiy temsilcisi Tamila Taşeva Ukrayina Devlet hızmeti Milliy agentliginiñ esasında işğalden azat etilgen Qırımda akimiyet organları içün kadrlar azırlav leyhası başlana, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
