Ukraina prezidenti Volodımır Zelenskıy Yuqarı Radağa «Ukraina prezidentini vazifeden çıqaruv (impiçment) aqqında» qanun leyhasını kirsetti. Bu aqta Azatlıq Radiosı bildire.
Qanun leyhasınıñ nomerası 1012, bugün qayd etildi.
Vesiqa metni parlamentniñ saytında şimdilik yoq, amma prezident onı acele baqılacaq dep qayd etti.
Daa evel prezident Volodımır Zelenskıynıñ Yuqarı Rada vekili Ruslan Stefançuk prezidentniñ impiçmenti aqqında qanun leyhası yañı çağırılış Yuqarı Rada baqacaq ilk qanun leyhalarından biri olacaq.
Avgustnıñ 29-nda saba doquzıncı çağırılış halq deputatları Yuqarı Radanıñ tantanalı toplaşuvında ant etti.
İlk iş kününde halq deputatları yañı parlamentniñ reberligini saylamağa, Nazirler Şurasını şekillendirmege, Ukraina telükesizlik hızmetiniñ reisi ve baş prokurornı deñiştirmege planlaştıra. Ukraina prezidenti Volodımır Zelenskıynıñ nevbetten tış muracaatı yapılmalı.
