Ukrayina telükesizlik hızmeti 2022 senesi oktâbrniñ 8-nde ve 2023 senesi iyülniñ 17-nde Keriç köprüniñ yıqılmasında iştiragini tasdıqladı. Bunıñ aqqında "Qırım köprü eki kere. SBU. Mahsus ğalebe ameliyatı" adlı vesiqalı filmde ikâye etile.
"Bu, bünker dedeniñ 70-ncı yıldönüminiñ ertesi künü oldı. Onıñ saba başı pek fena ağırğanını ve biz oña doğru bi ediye yapqanımıznı tüşünem", - dep bildirdi Vasıl Malük.
SBU qarşı ücüm istihbaratınıñ arbiy brigada generalı filmde Ukrayina devlet başı Volodımır Zelenskıy özü Keriç köprüni yıqmağa emir bergenini qayd ete.
Ukrayina Arbiy deñiz quvetelriniñ komandanı Oleksiy Nejpapa da patlavlarğa alâqanı tasdıqladı ve bu "Ukrayina telükesizlik hızmetiniñ ve Arbiy deñiz quvetleriniñ ortaq ameliyatı" olğanını bildirdi.
2022 senesi oktâbrniñ 8-nde ve 2023 senesi iyülniñ 17-nde Keriç köpründe patlavlar yüz bergen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
