Ukraina prezidenti Volodımır Zelenskıy Nazirler Şurasını Vitaliy Klıçkonı Kyiv şeer devlet memuriyetiniñ reisi vazifesinden boşatmasına çağıra. Bunı baş nazirniñ spikeri Vasiliy Râbçuk Azatlıq Radiosına bildirdi.
Anayasağa köre, Kyiv şeer devlet memuriyetiniñ reisini ükümetniñ qararı ile prezident tayin ete ve işten boşata. Aynı vaqıtta Anayasa mahkemesiniñ qararına binaen, Kyiv şeer devlet memuriyetini Kyiv şeer yolbaşçısı saylağan şahıs idare etmeli.
İyül ayında Klıçko Zelenskıy ile laf etip, prezidentniñ KŞDM reisi vazifesine «öz insannı tayin etmek» niyeti aqqında bildi, dep tarif etti.
Vitaliy Klıçko 2014 senesi iyünniñ 5-nden başlap Kyiv şeer yolbaşçısı ola, aynı yılnıñ iyünniñ 25-nden ise – Kyiv şeer devlet memuriyetiniñ reisi.
