Mayısnıñ 10-nda Ukrayina prezidenti Volodımır Zelenskıy Qırımda "gaz borusında diversiyada" qabaatlanıp tutulğan qırımtatar siyasetçisi ve faali Nariman Celâlğa Levko Lukyanenko adına devlet stipendiyasınıñ tayin etilmesine dair ferman imzaladı.
"Celâlov Nariman Enveroviçniñ qanunsız apsite qalğan müddet devamında ve azatlıqqa çıqqan soñ bir yıl devamında berilecek Levko Lukyanenko adına devlet stipendiyanı tayin etmek", - dep yazıla vesiqada.
Ukraina Nazirler kabineti Ukraina devlet başı Volodımır Zelenskıynıñ işğal etilgen Qırımda "gaz borusında diversiyada" qabaatlanıp tutulğan qırımtatar siyasetçisi ve faali Nariman Celâlğa Levko Lukyanenko adına devlet stipendiyasınıñ tayin etilmesi aqqında fermanını tasdıqladı.
Stipendiya Rusiye apsinde qalğan müddet devamında ve azatlıqqa çıqqan soñ bir yıl devamında berilecektir.
Evel Ukraina prezidenti Volodımır Zelenskıy Qırım.Aqiqat frilanseri Vladislav Yesipenkoğa ve Kremlniñ siyasiy mabsüleri kibi tanılğan bir sıra vatandaş jurnalisti ve faalge Levko Lukyanenko adına devlet stipendiyasınıñ tayin etilmesi aqqında fermanlar imzaladı.
Levko Lukyanenko devlet stipendiyaları – Rusiye tarafından qanunsız tutulğan Ukraina vatandaşlarınıñ aqları, azatlığı ve menfaatlarınıñ qorçalavını temin etmek maqsadınen 2018 senesinden itibaren berilgen mukâfattır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
